jam Hom Kham: January 2013

ၽွင်းပႃႇတီႇငဝ်ႈငုၼ်းတီႊမူဝ်ႊၶရေႊသီႊၸိူဝ်ႉၶိူဝ်းတႆးSNLDဢၢၼ်းၸတ်းႁဵတ်းပၢင်ၵုမ်လူင်ၸွမ်းၸုမ်းၸၢဝ်းၶိူဝ်းၼႂ်းၸိုင်ႈတႆးၼႂ်းလိူၼ်ဢေႊပရိူဝ်ႊတေမႃးၼႆႉၸုမ်းၶၢဝ်ႇသိုဝ်ႇႁႅင်းၼုမ်ႇလႆႈတွင်ႈထၢမ်တူၺ်းတၢင်းႁၼ်ထိုင်ၸၢႆးၶိူဝ်းသႅင်ၵူၼ်းၼုမ်ႇတူဝ်တႅၼ်းၵေႃႁူမ်ႈသၢင်ႈတူင်ႇဝူင်းၵူၼ်းတႆးဢၼ်ပၵ်းသဝ်းယူႇၼႂ်းၵဵင်းမႆႇမၼ်းၸၢႆးလၢတ်ႈၼႄတၢင်းႁၼ်ထိုင်ၼိူဝ်ပၢင်ၵုမ်ဢၼ်ၸတ်းဝႃႈ“ဢၼ်ပႃႇတီႇႁူဝ်သိူဝ်တေဢၢၼ်းသၢင်ႈလွင်ႈယုမ်ႇယမ်ၸွမ်းၸၢဝ်းၶိူဝ်းဢွၼ်ႇၼႆၼၼ်ႉမၼ်းၵေႃႈတေၶဝ်ႈပႃးသိုၵ်းၸၢဝ်းၶိူဝ်းဢွၼ်ႇပႃႇတီႇၵၢၼ်မိူင်းၸၢဝ်းၶိူဝ်းဢွၼ်ႇပေႃးဢုပ်ႇၵၼ်ၼႆဢၼ်တေပဵၼ်ၽွၼ်းလီမၼ်းၵေႃႈၵူႈၸုမ်းတေၸၢင်ႈမႃးလႅၵ်ႈလၢႆႈၶေႃႈမုၼ်းၵၼ်ႁူႉၸၵ်းၵၼ်လိူဝ်ၵဝ်ႇလွင်ႈတေတမ်းဝၢင်းၶေႃႈဢုပ်ႇဢူဝ်းၸိူင်ႉႁိုဝ်ၵူၺ်းပေႃးဢုပ်ႇဢူဝ်းၵၼ်ယဝ်ႉၶေႃႈဢုပ်ႇဢူဝ်းၵၼ်ၼၼ်ႉမၼ်းတေပဵၼ်လႆႈယူႇတေႉႁႃႉယွၼ်ႉသင်လႄႈလႆႈႁဵတ်းပၢင်ၵုမ်ၸွမ်းၸၢဝ်းၶိူဝ်းဢွၼ်ႇပေႃးႁဵတ်းၸွမ်းၸၢဝ်းၶိူဝ်းဢွၼ်ႇၸိုင်ၶၢင်ဢၼ်ယူႇၼႂ်းမိူင်းတႆးပွတ်းႁွင်ႇၼၼ်ႉလူးၶၢင်ၵေႃႈပဵၼ်ၽူႈတၢင်တူဝ်ၸၢဝ်းၶိူဝ်းဢွၼ်ႇလႆႈမိူၼ်ၵၼ်ၼင်ႇၶၢင်ၼႂ်းမိူင်းတႆးၼႆပေႃးတေဢုပ်ႇၸွမ်းၵၼ်မူတ်းမူတ်းၸိုင် ၸွင်ႇတေဢုပ်ႇၸွမ်းလွင်ႈဢၼ် လူင်ပွင်ၸိုင်ႈတိုၵ်းၵၼ်တင်း ၶၢင်ယူႇၼႆႉယဝ်ႉႁဝ်းသမ်ႉ တေၸုၵ်းယူႇတီႈလႂ်သေလၢတ်ႈ။
ၵူၺ်းၵႃႈၵၢၼ်ဢုပ်ႇဢူဝ်းၵၼ်ၼႆႉပေႃးတေဢုပ်ႇၵၼ်ၼႂ်းမိူင်းၸိုင်ပေႃးဝႃႈႁဝ်းမီးၶေႃႈတူၵ်းလူင်းၵၼ်ဝႃႈတေႁဵတ်းသင်ၼႆပိူၼ်ႈႁူႉၸွမ်းမူတ်း ပိူၼ်ႈထွမ်ႇၸွမ်းၵူႈဢၼ်ပေႃးၼၼ်ၵၢၼ်ဢၼ်ႁဝ်းၽႅၼ်ဝႆႉၸိူဝ်းၼၼ်ႉၸိူင်ႉႁိုဝ်ၵေႃႈယဝ်ႉၵၢၼ်ဢၼ်ႁဝ်းၽႅၼ်ဝႆႉၸိူဝ်းၼၼ်ႉႁဝ်းတေႁဵတ်းႁိုဝ်ၵႂႃႇ ၼႆၸိူဝ်းၼၼ်ႉမၼ်းတိုၼ်းတေမီးဢၼ်ၵဵဝ်ႇၶွင်ႈ ၸွမ်းသိုၵ်းမၢၼ်ႈ၊ တိုၼ်းၵဵဝ်ႇၶွင်ႈၸွမ်းလူင်ပွင်ၸိုင်ႈမၢၼ်ႈ ယူႇယဝ်ႉ။ ပေႃးၼၼ် ဢၼ်ႁဝ်းဢုပ်ႇဢူဝ်းၵၼ်ဢၼ် ႁဝ်းတေသၢင်ႈလွင်ႈယုမ်ႇယမ်ၵၼ်ၼႆႉ တင်းၽႂ်?တင်းသိုၵ်းၸၢဝ်းၶိူဝ်းဢွၼ်ႇႁႃႉၸွင်ႇမၼ်းသမ်ႉတေႁူမ်ႈလႆႈ? ၵွပ်ႈဝႃႈတႆးၼင်ႇၵၼ်ၵူၺ်းတႃႇတေႁူမ်ႈၵၼ်ၼႆႉတေလႆႈၸႂ်ႉၶၢဝ်းယၢမ်းဢုပ်ႇဢူဝ်းၵၼ်ၵႂႃႇထႅင်ႈတင်းၼမ်ပေႃးမႃးႁဵတ်းၸွမ်းၸၢဝ်းၶိူဝ်းဢွၼ်ႇၵေႃႈမၼ်းတေႁဵတ်းသေယဝ်ႉၵႂႃႇဢမ်ႇႁူႉဝႃႈၽႂ်ယူႇတၢင်းလင်မၼ်းသေၸႂ်ႉႁဵတ်းၵႂႃႇပေႃးတေဝႃႈႁဵတ်းပၢင်ၵုမ်ဢၼ်ၼႆႉမၼ်းဢမ်ႇလီႁႃႉၼႆၼၼ်ႉပေႃးဝႃႈဢမ်ႇလီၼႆၵေႃႈတေယဵၼ်းပဵၼ်ၶေႃႈသၢၼ်ၶတ်းၵႂႃႇပေႃးတေဝႃႈလီယူႇၼႆတႆးႁဝ်းယင်းပႆႇတူဝ်ႈတၼ်းပေႃးၵႂႃႇဢုပ်ႇၸွမ်းသိုၵ်းၸၢဝ်းၶိူဝ်းၸိုင်ပေႃး သိုၵ်းၸၢဝ်းၶိူဝ်းလၢတ်ႈထၢမ်မႃးဝႃႈ တႆးႁူမ်ႈၵၼ်ထိုင်လႂ်ယဝ်ႉ? ပႃႇတီႇၵၢၼ်မိူင်းၼႂ်းတႆးႁူမ်ႈၵၼ်ထိုင်လႂ်ယဝ်ႉ? တေဝႃႈႁိုဝ်?။
တွၼ်ႈတႃႇတေသၢင်ႈလွင်ႈယုမ်ႇယမ်ၵၼ်ၼႆႉဢုပ်ႇၵၼ်လၢႆလၢႆၵူၺ်းမၼ်းဢမ်ႇပဵၼ်လႆႈမၼ်းလူဝ်ႇလႆႈႁဵတ်းၵၢၼ်ၸွမ်းၵၼ်ပေႃးဢုပ်ႇဢူဝ်းၵၼ်ၵူၺ်းၸိုင်မၼ်းၵေႃႈယဝ်ႉၵႂႃႇလၢႆလၢႆၵူၺ်းမိူၼ်ၼင်ႇႁဝ်းၶႂ်ႈလၢတ်ႈသင်ၼၼ်ႉႁဝ်းလၢတ်ႈလႆႈလွတ်ႈလႅဝ်းသေတႃႉၵူၺ်းပေႃးမႃးတူၺ်းငဝ်းလၢႆး ဢၼ်ပဵၼ်ယူႇယၢမ်းလဵဝ်ၼႆႉၸိုင်ႁဝ်းဢမ်ႇႁဵတ်းလွတ်ႈ လႅဝ်းလႆႈ။
မိူၼ်ၼင်ႇပၢင်ၵုမ်ဢၼ်ပူၼ်ႉမႃးၼၼ်ႉပဵၼ်ၼႂ်းတႆးလၢႆလၢႆၵူၺ်းတႃႇတေႁဵတ်းသၢင်ႈၵႂႃႇမိူဝ်းၼႃႈၽႂ်ဢဝ်ပုၼ်ႈၽွၼ်းၸုမ်းႁဵတ်းၵၢၼ်မၼ်းၸွင်ႇမီးၼင်ႇႁိုဝ်မၼ်းတေပဵၼ်ၵႂႃႇထႅင်ႈၼင်ႇႁိုဝ်မၼ်းတေၵပ်းသိုပ်ႇၵပ်းသၢၼ်ၵၼ်ၵႂႃႇထႅင်ႈႁႂ်ႈမၼ်းပဵၼ်ၵၢၼ်ၵႂႃႇလီတႃႇမိူဝ်းၼႃႈၼၼ်ႉႁဝ်းယင်းဢမ်ႇပႆႇႁဵတ်းလႆႈၵမ်းၼႆႉသမ်ႉတေဢၢၼ်းမႃးႁဵတ်းၸွမ်းၸၢဝ်းၶိူဝ်းၼႆၼၼ်ႉၽႂ်သမ်ႉတေပဵၼ်ၵူၼ်းဢဝ်ပုၼ်ႈၽွၼ်းမၼ်းတွၼ်ႈတႃႇတေၸတ်းပၢင်ၵုမ်ၸၼ်ႁၢင်ႈပၢင် ၵုမ် မႃးဝႃႈ ၽႂ်တေမႃး တေႁဵတ်းတီႈလႂ် ၽိတ်ႈမွၵ်ႇၽႂ်၊ ၼႂ်းလူင်ပွင်ၸိုင်ႈမႃးၶဝ်ႈႁူမ်ႈၽွင်ႈ ၼႆၼၼ်ႉႁဵတ်းလႆႈသေ
တႃႉ ၵူၺ်းတႃႇတေႁဵတ်းၵၢၼ်ၵႂႃႇမိူဝ်းၼႃႈၵပ်းသိုပ်ႇၵပ်းသၢၼ်ၵၼ်ၵႂႃႇမိူဝ်းၼႃႈၼၼ်ႉၽႂ်တေဢဝ်ပုၼ်ႈၽွၼ်းမၼ်း လႆႈ။ ပႃႇတီႇႁူဝ်သိူဝ်ႁႃႉ ဢမ်ႇၼၼ်ပႃႇတီႇသိူဝ်ၽိူၵ်ႇႁႃႉဢၼ်တေဢဝ်ပုၼ်ႈၽွၼ်းမၼ်းၼင်ႇဢၼ်ႁူႉၵၼ်ယူႇဝႃႈပႃႇတီႇၵၢၼ်မိူင်းၼႆႉမၼ်းဢမ်ႇဝႆႉၽႂ်ၼင်ႇၵႂၢမ်းပိူၼ်ႈမီးဝႆႉဝႃႈ ၵၢၼ်မိူင်းၼႆႉဢမ်ႇမီးဢူၺ်းလီတေႃႇၸူဝ်ႈဢမ်ႇ မီးၽူႈ ၶဵၼ်တေႃႇၸၢတ်ႈၼႆၼၼ်ႉၵူၺ်း”
source:https;// Loitai.com